Msanii wa Bongo Flava, Country Boy ameelezea support anayopata kutoka kwa Kajala Masanja na Wema Sepetu katika ngoma yake mpya ‘Turn Up’.
Rapper huyo kutoka label ya LFLG ambayo pia inawasimamia wasanii kama Bill Nass,  kuwa wanachofanya waigizaji hao wa filamu ni upendo tu kwake.
“Ni love tu unajua, hakukuwa tumeshakubaliana chochote, ni love kutokana na ngoma yenyewe ni kali na sio wao mtu yeyote anaruhusiwa kufanya hivyo kwa kuweka link kwenye bio. Kwa hiyo ni watu ambao wameipenda ngoma na imepokelewa na watu wengi kwa muda mfupi sana najisikia furaha ile ni love tu hakuna chochote kinachoendelea nyuma” amesema Country Boy.
Alipoulizwa kuhusu Mwana FA kubadili style ya uchanaji katika ngoma yake alisema, “aliposikia akasema huu ni muziki tofauti natakiwa nifanye kitu tofauti ambacho mimi mwenyewe sijawahi kufanya, kumbuka FA amefanya kolabo na Bill Nass ‘Mazoea’ na mimi na Bill Nass tupo lebo moja, kwa hiyo akataka atofautishe Mazoea na Turn Up,” amesisitiza.
Wakati ngoma ya Country Boy ‘Turn Up’ inatoka Wema na Kajala waliweka link ya ngoma hiyo katika bio zao za Instagram ila kwa sasa wameondoa.