WATU WAPATAO SITA WANAODHANIWA MAJAMBAZI WAKIWA NA SILAHA BUNDUKI AINA YA SHORT GUN WALIVAMIA KATIKA BAR NA NYUMBA YA KULALA WAGENI IITWAYO “FEEL HAPPY” NA KUMJERUHI KWA RISASI MTU MMOJA AITWAYE SIMON ENOCK (42) MKAZI WA NAMTABALALE KATIKA MGUU WAKE WA KULIA NA KUSABABISHA KUVUNJIKA NA KISHA KUMPORA FEDHA TASLIMU TSHS. 1,800,000/=.TUKIO HILO LIMETOKEA MNAMO TAREHE 10.09.2014 MAJIRA YA SAA 22:30 USIKU HUKO KATIKA MTAA WA MWAKA, KATA NA TARAFA YA TUNDUMA, WILAYA YA MOMBA, MKOA WA MBEYA. AIDHA, WATU HAO WALIPORA FEDHA AMBAZO ZILIKUWA NI MAUZO YA BAR AMBAZO HAZIJAFAHAMIKA KIASI CHAKE.MAJERUHI AMELAZWA KATIKA KITUO CHA AFYA TUNDUMA NA ANAENDELEA NA MATIBABU. BAADHI YA WATUHUMIWA WAMEBAINIKA, MSAKO MKALI WA KUWATAFUTA UNAENDELEA KWA KUSHIRIKIANA NA ASKARI POLISI WA NCHINI ZAMBIA KWANI MARA BAADA YA TUKIO HILO WALIKIMBILIA CHIANGA – ZAMBIA.
KATIKA TUKIO LA PILI:
WATU WAPATAO SITA WANAODHANIWA KUWA MAJAMBAZI WALIVAMIA NA KUINGIA KWENYE NYUMBA YA KULALA WAGENI IITWAYO “JOMBA” NA KUJIFANYA NI WATEJA NA KISHA KUMJERUHI MMILIKI WA NYUMBA HIYO AITWAYE OMARY KALUMWANA (68) MFANYABIASHARA NA MKAZI WA MAJENGO SEHEMU ZA KICHWANI KWA KUMPIGA NA KITU CHENYE NCHA KALI.
TUKIO HILO LIMETOKEA MNAMO TAREHE 10.09.2014 MAJIRA YA SAA 19:45 JIONI HUKO KATIKA MTAA WA TUKUYU, KATA NA TARAFA YA TUNDUMA, WILAYA YA MOMBA, MKOA WA MBEYA. AIDHA WATU HAO WALIMJERUHI MUSA EMMANUEL (56) MFANYABIASHARA NA MKAZI WA SUMBAWANGA NA KISHA KUMPORA FEDHA TASLIMU TSHS.150,000/=, SIMU MBILI ZA MKONONI AINA YA NOKIA NA NGUO MBALIMBALI.
WATUHUMIWA HAO WALIKIMBIA MARA BAADA YA TUKIO. MSAKO MKALI UNAENDELEA KWANI BAADHI YA WATUHUMIWA HAO WAMEBAINIKA.
KAMANDA WA POLISI MKOA WA MBEYA KAMISHINA MSAIDIZI MWANDAMIZI WA POLISI AHMED Z. MSANGI ANATOA WITO KWA WANANCHI KUTOA TAARIFA ZA MTU/WATU WALIOHUSIKA KATIKA MATUKIO HAYO KATIKA MAMLAKA HUSIKA ILI WAKAMATWE NA HATUA ZA KISHERIA ZICHUKULIWE DHIDI YAO.
KATIKA TUKIO LA TATU:
JESHI LA POLISI MKOA WA MBEYA LAKAMATA RISASI AROBAINI [40] ZA BASTOLA BAADA YA KUFANYA UPEKUZI KATIKA MOJA YA VYUMBA KATIKA NYUMBA YA KULALA WAGENI IITWAYO“SOGEA TOURS HOTEL & GUEST HOUSE” ILIYOKO MTAA WA SOGEA – TUNDUMA.
UPEKUZI HUO ULIFANYIKA MNAMO TAREHE 10.09.2014 MAJIRA YA SAA 17:00 JIONI HUKO KATIKA MTAA WA SOGEA, KATA NA TARAFA YA TUNDUMA, WILAYA YA MOMBA, MKOA WA MBEYA. RISASI HIZO ZILIKUTWA ZIKIWA ZIMEHIFADHIWA KATIKA MFUKO WA PLASTIK @ RAMBO NA KUWEKWA KWENYE KASHA LAKE NA KISHA KUWEKWA CHINI KWENYE BEGI LILILOKUTWA CHUMBANI HUMO.
AIDHA, UPEKUZI HUO ULIFANYIKA BAADA YA KUPATA TAARIFA TOKA KWA MWENYE NYUMBA HIYO YA KULALA WAGENI KUWA KUNA CHUMBA KIMOJA WAPO AMBACHO TANGU KIKODISHWE HAKIJAFUNGULIWA NA ALIYEKIKODI HAYUPO HALI ILIYOPELEKEA MASHAKA.
KAMANDA WA POLISI MKOA WA MBEYA KAMISHINA MSAIDIZI MWANDAMIZI WA POLISI AHMED Z. MSANGI ANATOA WITO KWA WAMILIKI WA NYUMBA ZA KULALA WAGENI NA BAR KUWA MAKINI NA WATEGA WAO NA PINDI WANAPOONA VIASHIRIA VISIVYOKUWA VYA KAWAIDA KUTOA TAARIFA MARA MOJA POLISI ILI HATUA STAHIKI ZIWEZE KUCHUKULIWA.
TAARIFA ZA MISAKO:
JESHI LA POLISI MKOA WA MBEYA LINAWASHIKILIA WATU WALIOFAHAMIKA KWA MAJINA YA 1. OLIVA LUGANO (22) MKAZI WA SOWETO 2. ASHA SIMBA (25) MKAZI WA JUHUDI NA 3. EVELINA SIMON (23) MKAZI WA KAGERA WAKIWA NA POMBE HARAMU YA MOSHI [GONGO] UJAZO WA LITA KUMI [10].
WATUHUMIWA HAO WALIKAMATWA MNAMO TAREHE 10.09.2014 MAJIRA YA SAA 10:15 ASUBUHI KATIKA MSAKO ULIOFANYIKA HUKO MAENEO YA SOWETO, KATA YA ILOMBA, TARAFA YA IYUNGA, JIJI NA MKOA WA MBEYA. KIASI HICHO CHA POMBE HIYO KILIKUTWA NDANI YA NYUMBA WANAMOISHI WATUHUMIWA MARA BAADA YA KUPEKULIWA.
KAMANDA WA POLISI MKOA WA MBEYA KAMISHINA MSAIDIZI MWANDAMIZI WA POLISI AHMED Z. MSANGI ANATOA WITO KWA WANANCHI KUACHA TABIA YA KUTUMIA POMBE HARAMU YA MOSHI KWANI NI KINYUME CHA SHERIA NA NI HATARI KWA AFYA YA MTUMIAJI.
Imesainiwa na:
[AHMED Z.MSANGI – SACP]
KAMANDA WA POLISI MKOA WA MBEYA.
0 Comments